Qyzylordada aldaǵy eki aı men jazda aýa raıy qalaı qubylady
QYZYLORDA. KAZINFORM – Sınoptıkter Qyzylorda oblysynyń sáýir men mamyrdaǵy, sondaı-aq jazdaǵy aýa raıyna arnalǵan boljamdy usyndy.
«Qazgıdromet» RMK oblystyq fılıaly meteoboljaý bóliminiń bastyǵy Áıgerim Jókelovanyń aıtýynsha, sáýir aıynda aýanyń ortasha aılyq temperatýrasy +13+16°S shamasynda, ıaǵnı normadan 1°S joǵary bolmaq. Oblystyń basym bóliginde jaýyn-shashyn ádettegi kólemde (11-22 mılımetr) túsedi.
- Sáýirdiń birinshi onkúndiginde aýa temperatýrasy kúndiz +18+23°S men +23+28°S, al túnde +2+7°S men +10+15°S aralyǵynda aýytqıdy. Onkúndiktiń sońynda azdap tómendeıdi. Jańbyr birinshi onkúndiktiń ortasynda jáne sońynda kútiledi.
Onkúndiktiń basy men aıaǵynda kúndiz +23+28°S, ortasynda +15+20°S, túnde +5+10°S, 0+5°S shamasynda.
Onkúndiktiń ortasynda úsik kútiledi. Jańbyr jıileıdi.
Úshinshi onkúndikte kúndiz +30+35°S pen +17+22°S, túnde +10+15°S men +3+8°S aralyǵynda qubylady.
Aıdyń sońyna qaraı jańbyr jaýady.
Al mamyrda ortasha aýa temperatýrasy normadan 1°S joǵary bolady (+21+23°S). Jaýyn-shashynnyń aılyq mólsheri oblystyń soltústik jartysynda normadan tómen, ońtústik jartysynda norma (10-23 mılımetr) shamasynda, - dedi Áıgerim Jókelova.
«Qazgıdromet» ókili jaz mezgiline arnalǵan kún raıyn da jarııalady.
- Maýsym men tamyz aılarynda aýa temperatýrasy normadan 1°S joǵary bolyp, jaýyn-shashyn ádettegiden az túsedi. Shilde aıynda ǵana aýa temperatýrasy (+26,9, +29,3°S) jáne jaýyn-shashyn qalypty kórsetkishte (3, 8 mılımetr) bolady, - dedi ol.
Buǵan deıin biz Soltústik Qazaqstan oblysyna arnalǵan sınoptıkterdiń boljamyn jarııalaǵan bolatynbyz.
