Qyzylordada aǵaıyndy ekeý qarjy pıramıdasyn uıymdastyrǵan

QYZYLORDA. KAZINFORM - Qyzylorda oblysynda qarjy pıramıdasynyń qurylymdyq bólimshesin uıymdastyrǵan aǵaıyndy eki azamat sottaldy.

Aǵaıyndy jigitter 2020-2021 jyldar aralyǵynda oblys aýmaǵynda «Qnet» qurylymdyq bólimshesin qurǵan.

Jelilik marketıng ónimderin taratý boıynsha bul baǵytta elimizdegi marketıng boıynsha qalyptasqan jaǵdaıdy meńgerýge kóńil bólgen.

«Elimizdiń aýmaǵynda tyıym salynǵan qarjylyq pıramıda boıynsha zańsyz qyzmet pen uıym týraly anyq dáıekti túrde bilgenimen asa iri kólemde azamattardyń aqshalaı qarajatyn tartýǵa baǵyttalǵan áreketter jasaǵan. Osy aktıvterdi qaıta bólý jáne basqa qatysýshylardyń jarnasy esebinen keıbir qatysýshylardy baıytý jolymen uıymdastyryp otyrǵan. Atalǵan qarjy pıramıdasynan 40 salymshy zardap shekken. Shyǵyn kólemi - 53 mln teńge. Sotqa deıingi tergep-tekserý barysynda keltirilgen shyǵyn salymshylarǵa tolyq qaıtaryldy», - dep málim etti Qyzylorda oblystyq ekonomıkalyq tergep-tekserý departamentinen.

Eske salsaq, budan buryn Qyzylorda oblysynda ınternet alaıaqtyqpen aınalysqan qylmystyq top qolǵa túsken edi.