Qyzylordada adam qaǵyp, oqıǵa ornynan qashyp ketken júrgizýshi izdestirilip jatyr
QYZYLORDA. KAZINFORM – Qyzylorda qalalyq polıtsııa basqarmasynyń málimetinshe, oqıǵa 13 qazanda keshki saǵat bestiń shamasynda qaladaǵy Qultekenov kóshesinde bolǵan.
- Mitsubishi Lancer avtokóligi jaıaý júrginshini qaǵyp, oqıǵa ornynan ketip qalǵan. Jol-kólik oqıǵasy saldarynan eki adam zardap shekken, olardyń biri – kámeletke tolmaǵan bala. Zardap shekkender jan saqtaý bólimine túsken, - delingen habarlamada.
Alaıda artynsha jábirlenýshilerdiń biri, ıaǵnı 5 aılyq náresteniń kóz jumǵany anyqtaldy. Oblystyq polıtsııa departamenti adam ólimine ákep soqqan jol-kólik oqıǵasy jáne oqıǵa ornynan ketip qalý derekteri boıynsha qylmystyq ister qozǵady.
- Kúdiktiniń jeke basy anyqtaldy. Departament onyń júrgen jerin anyqtaý jáne ustaý boıynsha barlyq qajetti sharany qabyldap jatyr, - delingen habarlamada .
Polıtsııa qalaǵa kireberis joldardabaqylaýdy kúsheıtti. Kúdiktini izdestirý jáne ustaý is-sharalaryna barlyq kúsh-qural jumyldyryldy.
Eske salaıyq, oblysta apta kólemindegi reıd nátıjesinde 5 myńnan astam quqyqbuzýshylyqtyń joly kesildi.
