Qyzylordada abattandyrý qaǵıdalaryn buzǵan 7 myńnan astam adam jazalandy
QYZYLORDA. KAZINFORM — «Taza Qazaqstan» ekologııalyq aktsııasy aıasynda qyzylordalyq tártip saqshylary qala ákimdigi jáne «Qyzylorda tazalyǵy» mekemesiniń qyzmetkerlerimen reıdke shyqty.
Tekserý barysynda keıbir kásipkerlik nysandarynda abattandyrý jáne tazalyq talaptarynyń saqtalmaǵany anyqtaldy. Osyǵan baılanysty ýchaskelik polıtsııa ınspektorlary túsindirý jumysyn júrgizip, eskertý berdi.
— Bıylǵy 7 aıda abattandyrý qaǵıdalaryn buzýdyń 9 myńnan astam, ortaq paıdalanylatyn oryndardy lastaý boıynsha 1 932 ákimshilik quqyqbuzýshylyq anyqtaldy. Abattandyrý qaǵıdalaryn buzǵany úshin 7 163 tulǵa ákimshilik jaýapkershilikke tartyldy. 20 zańsyz qoqys úıindisi anyqtalyp, olar boıynsha tıisti sharalar qabyldandy, — delingen oblystyq polıtsııa departamentiniń habarlamasynda.
Al jýyrda Atyraý oblysynda úıi men ǵımaratynyń aınalasyn talapqa saı kútip ustamaǵan 419 adam ákimshilik jaýapkershilikke tartyldy.
