Qyzylordada 8 ákim saılanady

Oblystyq saılaý komıssııasynan habarlaǵandaı, oǵan kent jáne aýyldyq okrýg ákimderin tikeleı saılaýǵa quqyǵy bar azamattar qatysady.

- Saılaý Aral aýdanynyń Jaqsyqylysh kenti jáne Aqırek aýyldyq okrýginde, Qazaly aýdanynyń Bozkól, Qarmaqshy aýdanynyń T.Kómekbaev, Jalaǵash aýdanynyń Aqqyr jáne M.Shámenov, Shıeli aýdanynyń Tartoǵaı jáne Sulýtóbe eldi mekenderinde ótedi. 8450 saılaýshy daýys berýge quqyly. 11 ýchaske qurylyp, ýchaskelik saılaý komıssııasynyń 65 múshesi qyzmet atqarmaq, - delingen habarlamada.

Qazirgi tańda kandıdattardy tirkeý protsesi júrip jatyr. 11 shilde – tynyshtyq kúni, 12 shilde – daýys berý kúni.

Eske salaıyq, 21 maýsym kúni Qyzylorda oblysynda 1 qala, 1 kent, 3 aýyl ákiminiń saılaýy ótti.