Qyzylordada 70-ke jýyq shabandoz ulttyq at báıgesinde baq synady
QYZYLORDA. KAZINFORM – Qyzylorda qalasyndaǵy ıppodromda Qyzylordanyń astana bolǵanyna 100 jyl tolýyna oraı jáne qala kúni aıasynda «Altyn kúz – 2025» ulttyq at báıgesi ótti. Bul týraly oblys ákiminiń baspasóz qyzmeti habarlady.
Dúbirli dodada elimizdiń ár aımaǵynan kelgen 70-ke jýyq shabandoz baq synady. 5 shaqyrymdyq taı jarys nátıjesinde І oryndy Jambyl oblysynan Amangeldi Nurıslam, ІІ oryndy Qyzylorda oblysy Shıeli aýdanynan Beıbarys Tórehan, ІІІ oryndy jambyldyq Sanjar Ábiqadyr jeńip aldy. 11 shaqyrymdyq qunan báıgede І oryndy Qyzylorda oblysynyń Syrdarııa aýdanynan Ramazan Abdýláshim, ІІ oryndy shıelilik Ramazan Nurlybekuly, ІІІ oryndy osy oblystyń Jalaǵash aýdanynan synǵa túsken Raýan Nartaıuly ıelendi.
15 shaqyrymdyq toq báıgede І oryn Jambyl oblysynan kelgen Tańat Nurasylǵa, ІІ oryn almatylyq Bolat Ábdikárimge buıyrdy. Úzdik úshtikti jańaqorǵandyq Sultan Tórehan túıindedi. 25 shaqyrymdyq alaman báıgede Ulytaý oblysynyń ókili Bolat Ábdikárimge teń keler eshkim bolǵan joq. Odan keıingi oryndardy jambyldyq Nurym Orynbasar men onyń jerlesi Nurjigit Maqsat ıelendi.
Júldeli oryn ıelerine aqshalaı sertıfıkattar berildi.
Buǵan deıin Qyzylorda oblysy Qazaly aýdanynyń Aqtan batyr aýylynda Aqtan batyr Aqaıulynyń 255 jyldyq mereıtoıy aıasynda respýblıkalyq at báıgesi ótken bolatyn.