09:22, 07 Sáýir 2025 | GMT +5
Qyzylordada 7 jastaǵy qyzdyń aıaǵy jylý batareıasyna qysylyp qalǵan
QYZYLORDA. KAZINFORM – Oqys oqıǵa 6 sáýir kúni Qyzylorda qalasyndaǵy turǵyn úılerdiń birinde bolǵan.
Oblystyq Tótenshe jaǵdaılar departamentiniń málimetinshe, úıdegi jylý radıatory qabyrǵalarynyń arasyna 7 jastaǵy qyzdyń aıaǵy kirip ketip, qysylyp qalǵan.
– Shaqyrý boıynsha oqıǵa ornyna barǵan qutqarý jasaǵynyń qyzmetkerleri arnaıy gıdravlıkalyq quralmen jylý batareıasynan qyz balanyń aıaǵyn shyǵaryp aldy. Bala ómirine eshqandaı qaýip tóngen joq, - delingen habarlamada.
Osy oraıda qutqarýshylar balalarǵa qaýipsizdik erejelerin úıretip, jalǵyz qaldyrmaýǵa keńes beredi.
Biz buǵan deıin Jetisý oblysynda qutqarýshylar órtengen úıden qart adamdy aman alyp shyqqanyn habarlaǵanbyz.