Qyzylordada 7 myńdaı jaıaý júrginshi jol erejesin buzǵan
QYZYLORDA. KAZINFORM — Jyl basynan beri Qyzylorda oblysynda jol qozǵalysy erejelerin buzǵan 7 myńǵa jýyq jaıaý júrginshi anyqtaldy.
Olardyń zańǵa qaıshy áreketi oblystyq polıtsııa departamentiniń jedel basqarý ortalyǵynyń beınebaqylaý kameralaryna ilikken.
— Polıtsııa qyzmetkerleri quqyqbuzýshylyqtarǵa qatysty Qazaqstan Respýblıkasy Ákimshilik quqyqbuzýshylyq týraly kodeksiniń 615-babyna sáıkes, ıaǵnı jaıaý júrginshilerdiń jáne jol júrisine ózge de qatysýshylardyń jol júrisi qaǵıdalaryn buzýy boıynsha ákimshilik hattamalar rásimdedi. Quqyq buzýshylar zań aıasynda jaýapkershilikke tartyldy, — delingen habarlamada.
Tártip saqshylary jaıaý júrginshilerdiń jol qozǵalysy erejelerin saqtamaýy jol apatyna áser etetin birden-bir faktor retinde atap otyr. Azamattardyń arnaıy belgilengen jaıaý júrginshiler ótkelin paıdalanbaı, joldyń kez kelgen jerinen kesip ótýi óz ómirine ǵana emes, jol qozǵalysyna qatysýshy ózgelerge de qaýip tóndiredi.
Al jýyrda Qyzylordada jaıaý júrginshige jol bermegen kólikterdi anyqtaıtyn júıe iske qosyldy.
