Qyzylordada 53 jer ýchaskesi men 6 sý aıdyny memleketke qaıtaryldy
QYZYLORDA. KAZINFORM — Qyzylorda oblystyq prokýratýrasy bıyl 6 aıda jer salasynda 9 qadaǵalaý aktisin jasady.
Sonyń nátıjesinde 16 qyzmetker tártiptik jaýaptylyqqa tartyldy.
— Kadastrlyq quny 640 mln teńge 26 myń gektar aýmaqtaǵy 53 jer ýchaskesi memleketke qaıtaryldy. Kásipkerlik maqsattaǵy 180-ge jýyq jer ýchaskesiniń ıgerilmegeni anyqtalyp, ýákiletti organdarǵa tıisti shara qabyldaý tapsyryldy, — dedi oblys prokýrory Rızabek Ojarov.
Tabıǵat qorǵaý salasynda 28 qadaǵalaý aktisi engizilip, 1,4 mlrd teńge bıýdjetke óndirildi.
— Kadastrlyq quny 2,8 mln teńge 6 sý aıdyny memleketke qaıtaryldy. Ýran óndeý zaýyttarynyń qyzmetine júrgizilgen taldaý nátıjesi boıynsha 5,4 mlrd teńge aıyppul salyndy, — dedi prokýror.
Eske salaıyq, osy ýaqytta oblys prokýrorlary 35 myń jumysshynyń quqyǵyn qorǵaǵanyn jazǵanbyz.
