Qyzylordada 5 kúnde kóshi-qon zańnamasyn buzýdyń 408 deregi anyqtaldy
QYZYLORDA. KAZINFORM - 8-12 maýsym aralyǵynda Qyzylorda oblysynda zańsyz kóshi-qonnyń aldyn alý, sheteldikterdiń kóshi-qon zańnamasyn saqtaýyn baqylaý jáne kóshi-qon salasyndaǵy quqyqbuzýshylyqtardy anyqtaý maqsatynda «Zańsyz kelýshi-2026» respýblıkalyq jedel-profılaktıkalyq is-sharasy ótti.
Bes kúnge sozylǵan is-shara barysynda kóshi-qon zańnamasyn buzýdyń 408 deregi anyqtaldy.
- Onyń ishinde shet el azamattary tarapynan jasalǵan 228 ákimshilik quqyqbuzýshylyq tirkeldi. Zań talaptaryn buzǵan 86 sheteldik Qazaqstan Respýblıkasynyń aýmaǵynan ákimshilik tártippen shyǵaryldy. Sondaı-aq sheteldikterdiń Qazaqstan Respýblıkasynda bolý qaǵıdalarynyń saqtalýyn qamtamasyz etpegen 148 Qazaqstan azamatyna qatysty ákimshilik sharalar qoldanyldy, - dep habarlady oblystyq polıtsııa departamentiniń baspasóz qyzmeti.
Polıtsııa departamenti óńir turǵyndaryna shet elden jumys isteýge kelgen azamattardy zańnamada belgilengen tártippen tirkep, olardyń qujattaryn ýaqytyly rásimdeýdiń mańyzdy ekenin eskertti.
Al jýyrda Soltústik Qazaqstan oblysynda polıtsııa qyzmetkerleri sheteldikterge jalǵan qujattar daıyndap, olardyń elde zańsyz jumys isteýine kómektesken toptyń qyzmetin toqtatty.
