Qyzylordada 5 kúnde 232 zańsyz taksı anyqtaldy

QYZYLORDA. KAZINFORM – Qyzylorda oblysynda jolaýshylar tasymaly salasyndaǵy tártipti kúsheıtý maqsatynda 5 kúnge sozylǵan «Tasymaldaýshy» jedel profılaktıkalyq is-sharasy qorytyndylandy. 

Oǵan oblystyq polıtsııa departamenti men men ózge de salalardan qyzmetkerler tartylyp, mobıldi toptar 134 baǵyt boıynsha jumys júrgizdi.

– Osy ýaqyt aralyǵynda 1 436 ákimshilik hattama rásimdeldi. Atap aıtqanda, qoǵamdyq oryndarda taksı qyzmetin zańsyz uıymdastyrýdyń 232, ruqsatsyz qyzmet kórsetýdiń 31, jolaýshylar tasymaldaý qaǵıdalaryn buzýdyń 165 deregi tirkeldi. Qazaly, Shıeli aýdandary men Qyzylorda qalasyndaǵy avtobýs parkteri 7 ret tekserilip, 5 quqyqbuzýshylyq anyqtaldy. 111 avtokólik aıyp turaǵyna qoıylyp, 306 kóliktiń memlekettik tirkeý belgileri alyndy, - dedi oblystyq polıtsııa departamenti ákimshilik polıtsııa qyzmeti basqarmasynyń bastyǵy Muratbek Manatov.

Patrýldi beket qyzmetkerleri baǵyttardy aralaý kezinde qoǵamdyq qaýipsizdikti qamtamasyz etip, jaıaý júrginshiler arasynda túsindirý jumysyn júrgizdi.

Eske salsaq, Almaty qalasynyń prokýratýrasy alıment tólemeı júrgen taksı júrgizýshilerin jańa tásilmen anyqtaıdy.