Qyzylordada 5 azamat droperlik úshin qylmystyq jaýapkershilikke tartyldy
ASTANA. KAZINFORM — Jeńil jolmen paıda tabý maqsatynda Qyzylorda qalasynyń turǵyny ózine tıesili bank esep shotyn úshinshi tulǵalardyń paıdalanýyna 20 000 teńge syıaqyǵa berip, droperlikpen qyzmetpen aınalysqan. Bul týraly Qyzylorda oblysy prokýratýrasy málim etti.
Sot úkimimen ol Qazaqstan Respýblıkasy Qylmystyq kodekstiń 232-1 baby 1-bóligi boıynsha kináli dep tanylyp, 20 aılyq eseptik kórsetkish mólsherinde aıyppul túrindegi jaza taǵaıyndaldy.
— Óz kezeginde, droperler alaıaqtyq shemalarda deldal retinde áreket etedi.Olardyń negizgi qyzmeti — zańsyz jolmen kelgen aqshany qabyldaý, olardy basqabanktik shottarǵa aýdarý nemese qolma-qol aqshaǵa aınaldyryp, uıymdastyrýshylarǵa berý, — dep habarlady prokýratýradan.
Atalǵan quqyq buzýshylyqtyń aýyrlyǵyna baılanysty zańnamamen kináli tulǵalarǵa aıyppuldan bastap 7 jylǵa deıingi bas bostandyǵynan aıyrý túrindegi jaza kózdelgen.
— Eger adam zańsyz shemaǵa tartylǵanyn túsinip, bul týraly ýákiletti organdarǵa óz erkimen habarlap, qylmystyń ashylýyna belsendi yqpal etse, ol qylmystyq jaýaptylyqtan bosatylýy múmkin, — delingen habarlamada.
Osy oraıda oblystyq prokýratýra azamattardy alaıaqtyq shemalardyń quralyna aınalmaýǵa jáne ózderiniń banktik derekterin úshinshi tulǵalarǵa bermeýge shaqyrady.
Aıta keteıik, buǵan deıin Qyzylordada alaıaqtyq isi boıynsha 406 dropper anyqtalǵan edi.
