Qyzylordada 470 otbasy qonys toıyn toılady
QYZYLORDA. KAZINFORM – Qala kúni qarsańynda oblys ákimi Nurlybek Nálibaevtyń qatysýymen Qyzylordanyń sol jaǵalaýyndaǵy №2 shaǵyn aýdanǵa salynǵan 470 páterlik 10 kópqabatty turǵyn úıdi saltanatty tabystaý rásimi ótti.
Іs-sharaǵa jaýapty salalardyń, quqyq qorǵaý organdarynyń basshylary, Halyqaralyq Qarttar kúni qarsańynda aımaq basshysynyń arnaıy shaqyrtýymen barlyq aýdannan kelgen ardagerler, zııaly qaýym ókilderi qatysty. Oblys ákimi jańa páter ıelerin qonystoımen quttyqtap, aımaqtyń qurylys salasyndaǵy jańalyqtarǵa toqtaldy.
«Halyqty baspanamen qamtý – memleketimizdiń strategııalyq basym baǵyttarynyń biri. Memlekettik qoldaý men ulttyq jobalar aıasynda sońǵy 2 jylda 4 myńǵa jýyq páter tabystalyp, 17 myń turǵynnyń baspana máselesi sheshildi.Óńirde jyl basynan beri 900-den astam otbasy qonys toıyn toılady. Bıyl memlekettik bıýdjetten bólingen 34 mlrd. 100 mln. teńgege 2,5 myńnan astam páter beriledi. Osylaısha, turǵyn úı qurylysy kólemi 126 paıyzǵa ósti. Aldaǵy ýaqytta bul baǵyttaǵy jumystar jalǵasyn tabady. Áleýmettik-ekonomıkalyq damýdyń negizgi kórsetkishterinde oń serpin saqtalyp, oblysymyz respýblıka boıynsha aldyńǵy qatarǵa turaqtady. Eki jyl buryn oblys bıýdjeti 364 mlrd. teńge bolsa, búginde 744 mlrd. teńgeden asty. Bul aýqymdy qarajat aımaqtaǵy eń ózekti degen máselelerdi sheshýge, turǵyndardyń ómir súrý sapasyn arttyrýǵa jáne aýqymdy ınfraqurylymdyq jobalardy júzege asyrýǵa jumsalýda. Turǵyndardy elektr energııasymen úzdiksiz qamtý baǵytynda11 mlrd. teńgege 38 joba júzege asyrylýda. Bul jelilerdiń tozý deńgeıin 66 paıyzdan 62 paıyzǵa tómendetti. Qalada ınjenerlik-kommýnaldyq ınfraqurylymdy damytý baǵytynda aýqymdy jumystar atqarylýda. Osy ýaqytqa deıin Qyzylordanyń eń basty kommýnaldyq problemasy bolyp kelgen kópqabatty turǵyn úılerdi ystyq sýmen qamtamasyz etý oń sheshimin tapty. Memleket basshysynyń, Úkimettiń qoldaýymen qalamyzdaǵy 625 úıge ystyq sý jetkiziledi. Jobanyń jalpy quny 26 mlrd. 200 mln teńge, birinshi kezeńde, ıaǵnı bıyl 187 úıge, ekinshi kezeń – aldaǵy jyly taǵy 237 úıge ystyq sý qosylady. Erekshe atap ótý qajet, ótken jyldan beri qalamyzda 7, 9, 12 qabatty turǵyn úıler boı kóterýde. Búgin ózderińizben birge taǵy 500-ge jýyq otbasynyń qýanyshyn eselemekpiz. Qonystaryńyz qutty bolsyn!» - dedi Nurlybek Nálibaev.
Jıynda sol jaǵalaýdyń sáýletin arttyrǵan záýlim úılerdi salǵan qurylys kompanııalarynyń qyzmetkerleri oblys ákiminiń Alǵys hatymen marapattaldy. Qoǵam qaıratkeri Najmadın Musabaev jańa qonys ıelerine aq batasyn berdi. Búgin páter kiltin alǵandar qatarynda ustazdar, medıtsına, mádenıet jáne sport salalarynyń qyzmetkerleri jáne ózge de sala mamandary bar.
Keıingi jyldary Qyzylordadaǵy qurylys qarqyndy. Ásirese, áleýmettik nysandar kóptep salynýda. Eldi mekenderdi gazdandyrý boıynsha 20 joba iske asýda. Jyl sońyna deıin óńirdi gazben qamtý kórsetkishi 78 paıyzǵa jetedi. Ortalyqtandyrylǵan aýyz sýmen qamtýǵa baǵyttalǵan 13 joba bar, 300 shaqyrymnan astam avtomobıl joldary jóndeýden ótýde. Osylaısha oblys aýmaǵyndaǵy jaqsy jaǵdaıdaǵy joldardyń úlesi 92 paıyzdan asady.
«Jaıly mektep» ulttyq jobasy aıasynda 10 mektep, «Bilimdi qoldaý qory» esebinen fızıka-matematıka mektep-ınternaty, «Saýts oıl» kompanııasynyń demeýshiligimen mýzykalyq kolledjdiń jańa ǵımaraty, «Shyǵarmashylyq akademııasy», emhanasy jáne onkologııalyq bólimshesi bar kópbeıindi aýrýhana, Ortalyq stadıon, jabyq basseıni bar kópsalaly deneshynyqtyrý-saýyqtyrý kesheni salynýda. Osyndaı ıgi isterdiń jalǵasy retinde «Qyzylorda Arena» kópbeıindi sport kesheniniń irgetasy jaqyn kúnderi qalanady. Ótken jyly «Aýylda densaýlyq saqtaýdy jańǵyrtý» ulttyq jobasy aıasynda 16 dárigerlik ambýlatorııa paıdalanýǵa berildi. Qalǵan 11 medıtsınalyq nysan jyl sońyna deıin tabystalady.
