Qyzylordada 400 myń tonnadan astam kúrish jınaldy

Oblys ákimdigi habarlaǵandaı, dıqandar bıyl 194 myń gektarǵa jýyq jerge egin ekti.

- Sýdy únemdeý maqsatynda bıyl kúrish kólemi 10 myń 900 gektarǵa qysqartylyp, 70 myń gektarǵa egildi. Oblysta sý únemdeý tehnologııalaryn paıdalaný kólemi 2 ese artyp, 14 myń 200 gektarǵa jetti. Kelesi jyly 19 myń gektarǵa deıin ulǵaıady. Prezıdent tapsyrmasyna sáıkes sý únemdeý tehnologııalaryn memlekettik qoldaýǵa bıyl 10 mlrd teńge qarjy bólindi, - delingen habarlamada.

Aýyl sharýashylyǵy mamandary kúrishtiń ornyna basqa daqyldy egýdi emes, kúrishpen birge sýǵa tıimdi, ekonomıkalyq qaıtarymy joǵary daqyldar óndirisin qolǵa alyp otyr.

- Osyǵan deıin júgeri 1,5 myń gektar kóleminde ǵana egilse, bıyl onyń kólemi 11 myń gektarǵa deıin jetti. Ónimdiligi joǵary júgeri daqylynyń egis kólemin ulǵaıtý maqsatynda arnaıy jol kartasy bekitildi. Osyǵan sáıkes keler jyly júgeri egisin 28 myń gektarǵa deıin ulǵaıtý josparlanǵan, - dep habarlady ákimdik.

Buǵan deıin biz qyzylordalyq dıqandar erte egilgen 11 myń 500 tonna dándi daqyldy jınap bolǵanyn jazdyq.