Qyzylordada 39 jeke sot oryndaýshysy tártiptik jazaǵa tartyldy
QYZYLORDA. KAZINFORM — Qyzylorda oblysynda bıyl 9 aıda 49 jeke sot oryndaýshysynyń qyzmetine josparly baqylaý júrgizildi.
Oblystyq ádilet departamentiniń málimetinshe, anyqtalǵan zańbuzýshylyqtar boıynsha 39 jeke sot oryndaýshysyna tártiptik jaza qoldanyldy.
— Onyń ekeýi sot sheshimimen lıtsenzııasynan aıyryldy. Bir jeke sot oryndaýshysynyń lıtsenzııasy ýaqytsha toqtatyldy. Úsh qyzmetkerge qatysty lıtsenzııadan aıyrý jónindegi materıaldar sotta qaralyp jatyr, — dedi departament basshysy Baýken Álmesh.
Eske salaıyq, buǵan deıin biz Qyzylorda oblysynyń ádilet departamentine zııatkerlik menshik salasy boıynsha 4 jospardan tys tekserý júrgizilgenin jazdyq.
Sondaı-aq toǵyz aıdyń qorytyndysyna sáıkes, qyzylordalyq jeke sot oryndaýshylardyń óndirisinde alıment óndirý jónindegi 15 321 atqarýshylyq is bar.
