Qyzylordada 34 joǵary tehnologııalyq medıtsınalyq ota tegin jasaldy
QYZYLORDA. KAZINFORM — 2026 jyldyń alǵashqy tórt aıynda Qyzylorda oblysynda 34 joǵary tehnologııalyq medıtsınalyq otaǵa 282,4 mln teńge baǵyttaldy. Bul týraly Áleýmettik medıtsınalyq saqtandyrý qorynyń Qyzylorda oblysy boıynsha fılıalynan málimdedi.
Mindetti áleýmettik medıtsınalyq saqtandyrý júıesi aıasynda aı saıyn kardıohırýrgııa, neırohırýrgııa, ýrologııa, travmatologııa, onkologııa, jalpy hırýrgııa jáne basqa da baǵyttar boıynsha ondaǵan joǵary tehnologııalyq ota jasalady. Onyń bir ózine ortasha eseppen 8,3 mln teńge jumsalady.
— Búginde óńirde júrek pen qan tamyrlaryndaǵy, júıke júıesindegi, estý jáne kórý qabiletterine qatysty aýrýlardy emdeý, sondaı-aq nárestelerdiń týabitti aqaýlaryn túzetýge arnalǵan zamanaýı otalardy jasaý múmkindigi bar. 2026 jyldyń qańtar-sáýir aılary aralyǵynda 26 kardıohırýrgııalyq ota úshin 226,4 mln teńge tólendi. Al 7 neırohırýrgııalyq ota 48,9 mln teńge esebinen jasaldy. Mundaı qymbat ári kúrdeli otalar saqtandyrylǵan azamattar úshin tegin ári qoljetimdi, — dedi fılıal dırektory Jaqsylyq Ábdýsámetov.
2025 jyly MÁMS júıesi aıasynda Qyzylorda oblysynda joǵary tehnologııalyq medıtsınalyq qyzmetke 1,1 mlrd teńgeden astam qarjy bólingen.
Eske salaıyq, bıylǵy qańtar aıynan bastap elimizde buǵan deıin MÁMS júıesine kirmegen 800 myńnan asa adam saqtandyrý mártebesine ıe boldy.
