Qyzylordada 3 kúnde zańsyz júrgen 118 şeteldik jaýapqa tartyldy
QYZYLORDA. KAZINFORM – Qyzylorda oblysynda «Qaýipsiz úı» respýblıkalyq profılaktıkalyq is-sharasy ótip jatyr.
Polıtsııa qyzmetkerleri is-sharanyń alǵashqy úsh kúninde oblys ortalyǵynda 602 problemalyq turǵyn úı men ózge de nysandy aralap, tekserdi.
- 893 problemalyq mekenjaı anyqtalyp, onyń 163-i boıynsha keshendi profılaktıkalyq jumys júrgizildi. 76 qolaısyz otbasy erekshe baqylaýǵa alyndy. Kóshi-qon salasynda 125 quqyqbuzýshylyq anyqtaldy. El aýmaǵynda zańsyz júrgen 118 sheteldik ákimshilik jaýapkershilikke tartylyp, 7 shet el azamatyn respýblıka aýmaǵynan májbúrlep shyǵarý jónindegi qujattar sotqa joldandy, - dep habarlady oblystyq polıtsııa departamenti.
416 qarý ıesin tekserý nátıjesinde saqtaý jáne tirkeý talaptary buzylǵan 6 qarý tárkilendi. Tirkelmegen 3 atys qarýy aınalymnan alyndy.
- Jedel-profılaktıkalyq jumys barysynda esirtki jarnamalaıtyn 4 graffıtı jazýy joıyldy. Turǵylyqty jeri joq 4 adam ustaldy. Túngi reıdter kezinde quqyq buzǵan 53 jasóspirim polıtsııa organdaryna jetkizildi, - delingen habarlamada.
Eske salaıyq, buǵan deıin Qyzylorda oblysynda «Mıgrant» jedel-profılaktıkalyq is-sharasy ótti.
