Qyzylordada 3 kúnde kóshi-qon talabyn buzýdyń 153 deregi anyqtaldy

QYZYLORDA. KAZINFORM – 8-10 shilde kúnderi Qyzylorda oblysynda «Mıgrant» is-sharasy uıymdastyryldy. Ondaǵy maqsat – oblys aýmaǵyna kelgen sheteldikterdiń kóshi-qon zańnamasy talaptaryn buzý derekterin anyqtaý, olardy ákimshilik jaýapkershilikke tartý, izdeýde júrgen qylmyskerlerdi anyqtaý.

Osy oraıda sheteldikter ýaqytsha tirkelgen úı-jaılar, salynyp jatqan qurylys nysandary, bazarlar men dámhanalar tekserildi.

– Іs-shara nátıjesinde 153 quqyqbuzýshylyq anyqtaldy. Onyń ishinde sheteldikter tarapynan jasalǵan 93 ákimshilik quqyqbuzýshylyq anyqtaldy. 22 adam respýblıka aýmaǵynan alastatylyp, olardyń bes jylǵa deıin Qazaqstan aýmaǵyna kirýine tyıym salyndy. Al shet memleket azamattarynyń Qazaqstanda bolý erejesin saqtamaǵan jáne eńbek qyzmetin zańsyz júzege asyrǵan 62 otandasymyzǵa qatysty ákimshilik shara kórildi, - dedi oblystyq polıtsııa departamenti kóshi-qon qyzmeti basqarmasy bastyǵynyń orynbasary Sábıt Satqanbaı. 

Buǵan deıin biz UQK Qyzylorda oblysy jáne Baıqońyr qalasy boıynsha departamenti prokýratýra organdarynyń úılestirýimen zańsyz kóshi-qondy uıymdastyrýǵa kúdikti bir top adamnyń áreketiniń jolyn keskeni týraly habarladyq.