Qyzylordada 3 kúnde beımezgil kóshe kezgen 252 jasóspirim anyqtaldy
QYZYLORDA. KAZINFORM — Qyzylorda oblysynda 3 kúnge sozylǵan «Jasóspirim» jedel profılaktıkalyq is-sharasy qorytyndylandy.
Oǵan 300-den astam tártip saqshysy, sondaı-aq bilim berý salasynyń, jergilikti atqarýshy jáne ózge de organdardyń ókilderi qatysty.
— 3 kúnde barlyǵy 265 ákimshilik hattama rásimdelse, kámeletke tolmaǵan 2 bala ishki ister organdarynyń esebine alyndy. Qadaǵalaýsyz jáne panasyz qalǵan 3 jasóspirim kámeletke tolmaǵandardy beıimdeý ortalyǵyna ornalasty. Balalar men jasóspirimderdiń túngi ýaqytta oıyn-saýyq mekemelerinde bolýyna jol bergen 10 derek anyqtaldy.
Zańdy ókilderin ertpeı beımezgil oıyn-saýyq oryndarynda, úıinen jyraqta júrgen 252 ul-qyzdyń ata-analaryna hattama toltyryldy, — delingen oblystyq polıtsııa departamentiniń qoǵamdyq qaýipsizdik basqarmasy taratqan habarlamada.
Buǵan deıin Abaı oblysy Polıtsııa departamentiniń qyzmetkerleri prokýratýra ókilderimen birlesip, Semeı qalasyndaǵy oıyn-saýyq oryndarynda túngi profılaktıkalyq reıdter júrgizgen edi.
