Qyzylordada 28 jastaǵy azamat tórt kúnnen beri tabylmaı jatyr

QYZYLORDA. KAZINFORM - Qyzylorda qalasynda 28 jastaǵy azamat tórt kúnnen beri tabylmaı jatyr.

Qyzylorda qalasynda turatyn 28 jastaǵy Qaldybek Sansyzbaıuly Qaıyrbekov 1 naýryzda úıinen belgisiz baǵytqa shyǵyp ketken. Odan keıin úıine qaıta oralmaǵan. Osyǵan baılanysty Qyzylorda qalasy Polıtsııa basqarmasy Qaldybek Sansyzbaıuly Qaıyrbekovke izdeý salady.

Boıy – 1,80 sm, shashy qara tústi, orta deneli. Sol jaq betinde qyzǵylt tústi qaly bar. Ústine aq kýrtka, aqshyl-kók tústi djınsy shalbar, aıaǵyna qara tústi krossovka kıgen.

«Atalǵan habarlama boıynsha qandaı da bir aqparat nemese júrgen jeri týraly málimet bilgen jaǵdaıda 8(7242)-29-75-20, 8-705-255-81-25 nemese 102 arnasyna qońyraý soǵýdy suraımyz», - dep málim etti Qyzylorda qalalyq Polıtsııa basqarmasynan.

Eske salsaq, budan buryn Qyzylorda oblysynda tabıǵat qorǵaý zańnamasyn buzýdyń 190 deregi anyqtaldy.