Qyzylordada 28 mlrd 430 mln teńge kóleminde qarjylyq buzýshylyqtar anyqtaldy
QYZYLORDA. KAZINFORM – Qyzylorda oblysy boıynsha ishki memlekettik aýdıt departamenti bıyl 6 aıda 43 aýdıtorlyq is-shara barysynda zańbuzýshylyqtardy anyqtady.
Onyń barlyǵy qarjy salasynda. Atap aıtqanda, bıýdjetke óteý, atqarylmaǵan jumysty oryndaý arqyly qalpyna keltirý, býhgalterlik esepte bıýdjet zańnamasy men memlekettik satyp alý zańnamasy talaptarynyń saqtalmaýy sıpatynda.
- Qarjylyq buzýshylyqtar somasy 28 mlrd 430 mln teńge boldy. Onyń 27 mlrd 595,9 mln teńgesi bıýdjetke ótelip, jumysty oryndaý jolymen qalpyna keltirildi. Qalǵan bóligi boıynsha sot protsesi, sotqa deıingi tergep-tekserý amaly, isti sot oryndaýshylardyń óndirisine berý jáne taǵy basqa is-sharalar júrip jatyr. Zań talabynyń buzylýyna jol bergen laýazym ıeleriniń jaýapkershiligin qaraý týraly nusqamalar berildi, - dedi departament basshysy Erbol Kúzembaev.
Jyl basynan beri kameraldyq baqylaý nátıjesinde quny 16 mlrd teńgeden astam satyp alýlarǵa qatysty habarlama berildi. Onlaın bıýdjettik monıtorıng boıynsha artyq aýdarylǵan 20 mln teńgeden astam qarajat bıýdjetke jáne mekemelerge qaıtaryldy.
Buǵan deıin habarlaǵanymyzdaı, Atyraý oblysynda bes aı ishinde júrgizilgen aýdıt qorytyndysy bıýdjet qarajatyn paıdalaný men memlekettik satyp alý salasynda 175,6 mlrd teńgeden astam buzýshylyqtyń baryn kórsetti.
