Qyzylordada 264 múgedektigi bar azamat tıisti medıtsınalyq kómek almaǵan
ASTANA. KAZINFORM – Qyzylorda oblysynyń Aral aýdanynda prokýratýranyń aralasýynan keıin 264 múgedektigi bar azamattyń medıtsınalyq kómek alý quqyǵy qalpyna keltirildi.
Bul týraly Qyzylorda oblysynyń prokýratýrasy habarlady.
Prokýratýra júrgizgen taldaý barysynda densaýlyq saqtaý salasynda múgedektigi bar azamattarǵa medıtsınalyq qyzmet kórsetý kezinde birqatar zań buzýshylyq anyqtalǵan.
Atap aıtqanda, sozylmaly aýrýlary bar azamattardy beıindi mamandardyń josparly qarap-tekserý talaptary saqtalmaǵan. Sonyń saldarynan 264 múgedektigi bar azamat, onyń ishinde 81 kámeletke tolmaǵan bala tıisti medıtsınalyq baqylaýdan ótpegen.
Sonymen qatar aýdan boıynsha angıohırýrg mamanynyń bolmaýyna baılanysty 38 azamat qajetti medıtsınalyq tekserýden óte almaǵan.
«Atalǵan faktiler múgedektigi bar azamattardyń tegin medıtsınalyq kómektiń kepildik berilgen kólemin alý quqyqtarynyń buzylýyna ákep soqqan. Prokýrorlyq qadaǵalaý aktisi boıynsha tıisti sharalar qabyldanyp, azamattardyń quqyqtary qalpyna keltirildi», – dep habarlady prokýratýra.
Vedomstvo azamattardyń quqyqtaryn qorǵaý salasyndaǵy zańdylyqtyń saqtalýy prokýratýra organdarynyń erekshe baqylaýynda ekenin atap ótti.
Aıta keteıik, Eńbek mınıstrligi komada jatqan naýqastar úshin múgedektikti rásimdeý tártibin jeńildetti.
