Qyzylordada 25 tamyzdan bastap avtobýstardyń qozǵalys ıntervaly barynsha qysqarady
QYZYLORDA. KAZINFORM — Qyzylorda qalasynda kún saıyn 260 avtobýs jolaýshy tasymaldaıdy. Jańa oqý jyly bastalysymen qoǵamdyq kólikke túsetin júkteme edáýir artady dep boljanyp otyr.
Qyzylorda avtobýs parkiniń málimetinshe, osyǵan baılanysty 25 tamyzdan bastap qalaishilik avtobýs baǵyttary kúsheıtilgen jumys rejımine kóshedi.
— Qazirgi tańda úlken syıymdylyqtaǵy avtobýstar qalalyq baǵyttar boıynsha qyzmet kórsetip júr. Olardyń qozǵalys ıntervaly — orta eseppen 12-15 mınýt. Kólikterdiń tehnıkalyq jaǵdaıy kún saıyn tekserilip, aqaý anyqtalǵan jaǵdaıda qyzmet kórsetýden bosatylyp, ornyna rezervtik avtobýs jiberiledi. Jańa oqý jylynda oqý oryndary ornalasqan aýmaqtardaǵy jolaýshylar aǵyny eskerilip, avtobýstardyń qozǵalys ıntervaly barynsha qysqarady. Sonymen qatar qozǵalys kestesiniń qatań saqtalýy qamtamasyz etiledi, — delingen habarlamada.
Al jýyrda Óskemen qalasynda qoǵamdyq kóliktegi jol júrý tarıfin segiz jyldan keıin alǵash ret qaıta qaraý usynyldy.
