Qyzylordada 240 megavattyq bý-gaz qondyrǵysynyń qurylysy aıaqtalýǵa jaqyn
QYZYLORDA. KAZINFORM – Jylytý maýsymynyń ótý barysyn baqylaý sheńberinde Energetıka vıtse-mınıstri Suńǵat Esimhanov Qyzylordada salynyp jatqan qýaty 240 MVt bý-gaz elektr stantsııasynyń qurylysymen tanysty.
Jobany iske asyrý óńirdiń elektr jáne jylý energııasyna degen qajettiligin tolyq qamtamasyz etýge múmkindik beredi. Jańa býyndy stantsııa qurylysy túrkııalyq AKSA ENERGY kompanııasynyń jeke ınvestıtsııalary esebinen júzege asyrylyp jatyr.
Vıtse-mınıstr gaz týrbınalary korpýsynyń jumysymen tanysty. Onda qazir iske qosý-baptaý jumystary qolǵa alyndy. Sondaı-aq ol 220 kılovolttyq ashyq taratý qurylǵysyn jáne basqarý qalqanyn qarap shyqty.
Oblys ákimdigimen jáne ınvestorlarmen birlesip, nysandy paıdalanýǵa berý jáne elektr men jylý energııasyn óndirý máseleleri talqylandy. Aýmaqtyq departamentke jylytý maýsymynyń ótýin turaqty baqylaýda ustaý tapsyryldy.
Jalpy, energetıkalyq qaýipsizdikti nyǵaıtý aıasynda Energetıka mınıstrligi zamanaýı jylý elektr stantsııalary men bý-gaz qondyrǵylaryn salý boıynsha keshendi sharalardy júzege asyryp jatyr. Bul nysandarda ekologııalyq talaptarǵa saı, qorshaǵan ortaǵa áserdi barynsha azaıtatyn ozyq tehnologııalar qoldanylady.
Ekibastuz GRES-3 jáne Kýrchatov qalasyndaǵy jylý elektr stantsııasy qurylysy josparlanǵan. Kókshetaý, Semeı jáne Óskemen qalalarynda salynatyn jańa jylý elektr ortalyqtarynda tútin gazdaryn súzýdiń zamanaýı júıeleri, aýyr metaldardy ustaý júıeleri qoldanylady. Budan bólek, Astana men Shymkent qalalarynda bý-gaz qondyrǵylaryn salýǵa arnalǵan aýktsıon ótkizý josparlanyp otyr.
Buǵan deıin qurylys jumystarynyń kólemi 14,9%-ǵa artqanyn jazǵanbyz.