Qyzylordada 21 jastaǵy jigit pen 15 jastaǵy qyzdyń nekesin qıǵan ımamǵa sógis jarııalandy

QYZYLORDA. KAZINFORM - Qyzylorda oblysynda 15 jastaǵy qyz ben 21 jastaǵy jigittiń nekesin qıǵan ımam jazaǵa tartyldy.

Budan buryn habarlaǵanymyzdaı, ótken jyly buǵan baılanysty qylmystyq is qozǵalyp, sot úkimimen jigit 12 jylǵa bas bostandyǵynan aıyrylǵan edi. 

Ata-analarynyń ruqsatymen otaý kótergen juptyń nekesin ımam qıǵan. 

Qazaqstan musylmandary dinı basqarmasynyń Qyzylorda oblysy boıynsha bas ımamy Dastan Qurmanbaev buǵan qatysty túsinikteme berdi.

- Bul jaǵdaıdy aqtaýǵa bolmaıdy. Imam elimizdiń zańyn da, Qazaqstandaǵy barlyq din qyzmetkerine mindetti jarǵyny da buzdy. Oǵan sógis jarııalandy. Aldaǵy ýaqytta ol tarapynan qandaı da bir zańbuzýshylyq bolsa, ımam dinı qyzmetten shettetiledi, – dedi Dastan Qurmanbaev.