Qyzylordada 200-den astam qarýdy joıý naýqany ótti

QYZYLORDA. KAZINFORM — Qyzylordada azamattardan tárkilengen, erikti túrde tapsyrylǵan, taýyp alynǵan qarý-jaraq, oq-dári jáne sýyq qarýlardy zańsyz aınalymnan shyǵarý maqsatynda qarýdy joıý naýqany ótti. 

Oblystyq polıtsııa departamentiniń baspasóz qyzmeti habarlaǵandaı, is-shara aıasynda arnaıy tehnıkalyq komıssııa qurylyp, onyń quramyna departament qyzmetkerleri endi.

— Tárkilengen, taýyp alynǵan, sondaı-aq qarýdy erikti tapsyrý aktsııasy barysynda barlyǵy 215 qarý qabyldandy. Onyń ishinde 2 oıyq uńǵyly qarý, 200 tegis uńǵyly qarý, 2 sholaq myltyq, 11 gazdy-travmatıkalyq qarý bar, — delingen habarlamada.

Joıylýǵa jatatyn qarýlar aldymen jaramsyz kúıge keltirildi. Barlyǵy QR ІІM Áskerı jáne arnaıy jabdyqtaý bazasy memlekettik mekemesine belgilengen tártipke sáıkes joıý úshin joldanady. 

Buǵan deıin biz Almaty oblysynda zańsyz qarý men ańshylyqqa qatysty 6 qylmystyq is qozǵalǵanyn jazdyq.