Qyzylordada 20 jyl quldyqta bolǵan otbasyǵa kómek kórsetildi
QYZYLORDA. KAZINFORM – Qyzylorda oblystyq polıtsııa departamenti 20 jyl quldyqta bolǵan qazalylyq otbasyǵa qatysty málimdeme jasady.
Polıtsııa tarapynan adam saýdasynyń qurbanyna aınalǵan otbasyǵa kómek kórsetilgen.
– Qazaly aýdanynyń turǵyny Jalǵasbaev Aqsýat aýylyna qarasty Itjemes degen jerde aýdan turǵyny otbasymen birge ózine 20 jyldaı malyn kúshtep baqtyrǵanyn kórsetken. Osyǵan baılanysty qylmystyq is qozǵalyp, jábirlenýshiniń ótinishi boıynsha ózi jáne onyń otbasy quramy qorǵaýǵa alyndy. Іshki ister organynyń qyzmetkerleri táýlik boıy olardyń qaýipsizdigin qamtamasyz etti, - dedi departamenttiń uıymdasqan qylmysqa qarsy kúres basqarmasy bastyǵynyń orynbasary, polıtsııa podpolkovnıgi Ádilhan Shopanov.
Jyl basynan beri jergilikti sharýa qojalyqtarynda adamnyń quqyqtary men bostandyqtaryn taptaý nemese shekteý derekteri tirkelmegen.
Otbasymen quldyqta bolǵanyn aıtqan Qojageldi Jalǵasbaev buǵan deıin oqıǵanyń naqty barysyn aıtyp bergen bolatyn.