Qyzylordada 20 mln teńgege baǵalanǵan esirtkini tasymaldaǵan adam ustaldy

QYZYLORDA. KAZINFORM — Qyzylordalyq polıtseıler esirtkiniń asa iri partııasyn tasymaldaǵan 51 jastaǵy turǵyndy ustady.

Oblystyq prokýratýranyń úılestirýimen QR Іshki ister mınıstrliginiń Baıqońyr qalasyndaǵy ókildiginiń polıtsııa qyzmetkerleri «Nashaqorlyqqa jol joq» jobasy aıasynda birqatar arnaıy jedel-izdestirý sharalaryn júrgizýde. 

— Ókildiktiń polıtsııa qyzmetkerleri «Samara-Shymkent» tasjolynyń boıynda Baıqońyr qalasynda jyldamdyq rejımin buzǵan «Hıýndaı» markaly avtokóligin toqtatty. Tekserý barysynda kóliktiń júksalǵyshynan tórt úlken polıetılen paketine oralǵan jasyl tústi zat anyqtaldy. Ol aıǵaq zat retinde alyndy. Saraptama qorytyndysymen alynǵan zat 19 keli 530 gramm keptirilgen marıhýana ekendigi naqtylandy. Avtokólikti tizgindegen 51 jastaǵy júrgizýshige qatysty sot sanktsııasymen 2 aı merzimge kúzetpen ustaý bultartpaý sharasy qoldanyldy, — delingen habarlamada.

Vedomstvo málimetinshe, esirtki shamamen 20 mln teńgege baǵalandy. Tergeý júrgizilýde.

Eske salsaq, budan buryn Qyzylordada polıtseıler esirtki prıtonyn joıdy.