Qyzylordada 17,9 myń gektar jerde saıaq shegirtkeniń taralýy ekonomıkalyq zalal sheginen asty
QYZYLORDA. KAZINFORM — Qyzylorda oblysynda aýyl sharýashylyǵy daqyldaryn zııankesterden qorǵaý maqsatynda saıaq shegirtkege qarsy fıtosanıtarııalyq is-sharalar júıeli túrde júrgizilip keledi.
Óńirlik kommýnıkatsııa qyzmeti taratqan málimetke súıensek, turaqty monıtorıngtik zertteý nátıjesinde jalpy 17,9 myń gektar aýmaqta saıaq shegirtkelerdiń taralýy ekonomıkalyq zııandylyq sheginen asqany anyqtaldy.
— Anyqtalǵan oshaqtarǵa qarsy jedel is-sharalar qabyldanyp, qazirgi ýaqytta 11,2 myń gektar jer hımııalyq óńdeýden ótkizilip jatyr. Bul jumysqa arnaıy jerústi agregattary men asa jeńil áýe tehnıkasy — deltaplandar tartylǵan. Óńdeý barysynda elimizde qoldanýǵa ruqsat etilgen «Gýnsıao» 10% k. e. jáne «Tıametrın» s. k. preparattary paıdalanylady. Atalǵan preparattar zııankesterdiń taralýyn shekteýge jáne aýyl sharýashylyǵy alqaptaryn qorǵaýǵa baǵyttalǵan, — delingen habarlamada.
Jaýapty mekemeler egin zııankesine qarsy monıtorıngti kúsheıtti. Osylaısha anyqtalǵan oshaqtardy der kezinde óńdeıdi.
Oblysta sondaı-aq Kongo-Qyrym gemorragııalyq qyzbasy boıynsha qolaısyz eldi mekenderde kenege qarsy zalalsyzdandyrý jumysyn turaqty túrde júrgizip keledi.
