Qyzylordada 17 tabıǵat paıdalanýshyǵa aıyppul salyndy
QYZYLORDA. KAZINFORM – Qyzylorda oblystyq ekologııa departamenti 2026 jyldyń birinshi jartysynda qorshaǵan ortany qorǵaý salasynda 37 sýbektige baqylaý sharalaryn uıymdastyrdy.
Nátıjesinde ekologııalyq zańnama talaptaryn buzýdyń 83 deregi anyqtaldy.
— Ákimshilik ister qozǵalyp, jeke jáne zańdy tulǵalarǵa 71 aıyppul salyndy, sonyń 60-y óndirildi. Óndiristik ekologııalyq baqylaý esebin tapsyrmaǵan 17 tabıǵat paıdalanýshyǵa ákimshilik aıyppul salyndy. Sondaı-aq keń taralǵan paıdaly qazbalardy zańsyz óndirýdiń 6 deregi anyqtaldy, — dedi departament basshysynyń orynbasary Almas Ysqaqov.
«Qazaqstan ǵarysh sapary» kompanııasy 2018 jyldan beri beıbereket qaldyq tastalǵan oryndardy anyqtaý baǵytynda qyzmet kórsetip keledi.
— Jyl basynan beri ǵaryshtyq monıtorıng arqyly 50 ruqsatsyz qaldyq orny anyqtaldy. Respýblıkada alǵashqylardyń biri bolyp Qyzylorda oblysynda mundaı oryndar qysqa merzimde 100 paıyz joıyldy, — dedi Almas Ysqaqov.
2018-2025 jyldar aralyǵynda beıbereket qaldyq aýmaǵy eki ese qysqarǵan.
Buryn habarlaǵanymyzdaı, Shyǵys Qazaqstan oblysynda jyl basynan beri ekologııalyq zańnamany buzýdyń 42 deregi anyqtaldy.
