Qyzylordada 1,4 mlrd teńgege 20 kópqabatty úıdiń qasbetin jóndep jatyr

QYZYLORDA. KAZINFORM – Qyzylorda qalasynda kópqabatty turǵyn úılerdiń qasbetin jóndeý jumysy jalǵasyn tapty.

Qala ákimdiginen habarlaǵandaı, kópqabatty úılerdiń qasbetin panelmen qaptaý úshin oblystyq bıýdjetten 1,4 mlrd teńge bólingen.

– Búginde 20 úıdiń qasbeti jańalanyp jatyr. Jospar boıynsha Astana, Shuǵyla shaǵyn aýdandary, Táýelsizdik, A.Toqmaǵambetov, D.Qonaev, E.Áýelbekov, Áıteke bı, Tóle bı, T.Ábýov kósheleri men N.Nazarbaev, Abaı dańǵyldaryndaǵy kópqabatty turǵyn úılerdiń qasbeti retke keltiriledi, - delingen ákimdik habarlamasynda. 

Ótken jyly da kópqabatty 20 úıdiń qasbeti lınearly panelmen qaptaldy. Ol úshin bıýdjet esebinen 792 mln teńge bólingen bolatyn. Al demeýshilik esebinen 77 kópqabatty turǵyn úı men 2 áleýmettik nysannyń qasbeti zamanaýı úlgide árlendi.

Biz buǵan deıin Qyzylorda qalasynda «Qazaqstan ulttyq ýrban forýmy — 2025» jıyny ótkenin habarlaǵanbyz.