Qyzylordada 11 jasóspirim beıimdeý ortalyǵyna jatqyzyldy

QYZYLORDA. KAZINFORM — Qyzylorda oblysynda 27-29 shilde aralyǵynda ótken «Túngi qaladaǵy balalar» respýblıkalyq jedel profılaktıkalyq is-sharasy qorytyndylandy.

Oblystyq polıtsııa departamentiniń jergilikti polıtsııa qyzmeti basqarmasy habarlaǵandaı, osy 3 kúnde 493 ártúrli ákimshilik hattama rásimdelse, kámeletke tolmaǵan 22 qyzylordalyq ishki ister organdarynyń esebine alyndy. Qadaǵalaýsyz jáne panasyz qalǵan 11 jasóspirim kámeletke tolmaǵandardy beıimdeý ortalyǵyna jatqyzyldy. 

— Bala tárbıesindegi mindetin oryndamaǵan 34 ata-anaǵa hattama toltyryldy. Kámeletke tolmaǵandardyń túngi ýaqytta oıyn-saýyq mekemelerinde bolýyna jol berýdiń 11, ortaq paıdalaný oryndaryn lastaýdyń 9, buzaqylyq jasaýdyń 2 deregi anyqtalyp, jasóspirimderdiń zańdy ókilderine hattama toltyryldy. Al qoǵamdyq oryndarda masań kúıde bolǵan 18 jasqa tolmaǵan ekeýdiń zańdy ókilderine aıyppul salyndy, — dedi basqarma bastyǵy Erdáýlet Jaýkeev.

Sondaı-aq 435 jasóspirimniń zańdy ókilderiniń ertip júrýinsiz qoǵamdyq oryndarda beımezgil júrgeni anyqtaldy. 

Jaqynda Іshki ister mınıstrligi sońǵy bes jylda kámeletke tolmaǵandarǵa qatysty qylmys sany azaıǵanyn málimdedi.