Qyzylorda joldarynda avtomattandyrylǵan salmaq ólsheý stansalary ornatylyp jatyr

QYZYLORDA. KAZINFORM – Qyzylorda oblysynda aýyr júk kólikteri jol sapasyna orasan zor zııan tıgizip otyr.

Oblystyq jolaýshylar kóligi jáne avtomobıl joldary basqarmasynan málimdegendeı, osyǵan baılanysty jergilikti mańyzy bar joldarda avtomattandyrylǵan salmaq ólsheý stantsııalaryn ornatý baǵytynda aýqymdy jumys qolǵa alyndy. 

- Atap aıtqanda, mundaı qurylǵylar respýblıkalyq mańyzdaǵy Qarabutaq – Qyzylorda – Shymkent avtomobıl jolynyń belgilengen bólikterine qoıylyp jatyr. Qyzylorda – Aqtóbe baǵytyndaǵy aınalma jol qurylysyn merdiger «NNC Group» JShS mindetine alǵan. Joba quny – 461 mln teńge. Qyzylorda – Shymkent baǵytyndaǵy quny 903 mln teńge jobaǵa jaýapty bolyp «AlemTransJol» JShS bekitilgen. Merdiger jol jabyndysy men arka qurylysyn tolyq aıaqtady, - delingen habarlamada. 

Bul nysandar bıyl ekinshi toqsanda iske qosylmaq. Sol kezde aýyr júk kólikterine baqylaýdy kúsheıedi. 

Eske salaıyq, óńirde jol qozǵalysy erejelerin buzýdy avtomatty túrde anyqtaıtyn statsıonarlyq júıe jelisi keńeıdi.