Qyzylorda-Jezqazǵan jolyn salý barysynda kemshilikter anyqtaldy
QYZYLORDA. KAZINFORM – Jol aktıvteri sapasynyń ulttyq ortalyǵy Qyzylorda oblystyq fılıalynyń ókilderi Qyzylorda-Jezqazǵan jolynyń sapasyn tekserdi. Bul týraly fılıaldyń baspasóz qyzmeti habarlady.
40 jylda birde-bir ret jóndeý kórmegen kúre joldy qaıta jańǵyrtý jumysy qyzý júrip jatyr. Onyń 204 shaqyrymy oblys terrıtorııasynan ótedi. Búginde sonyń 180 shaqyrymnan astam bóligine asfalt jabyndysy salyndy.
– Mamandar jyl basynan beri jol-qurylys materıaldarynan 201 synama alyp, onyń 11-nen aqaý tapty. Merdigerlerge kemshilikterdi joıý jóninde usynys berilip, 10 olqylyq qaıtadan qalpyna keltirildi. 1 eskertý boıynsha kemshilikti túzetý jumysy áli jalǵasyp jatyr, - dedi fılıal dırektory Maqsat Muqanov.
Jańadan tóselgen jol jabyndysynan alynǵan 8 synama standartqa sáıkes bolmaı shyqty. Sonyń 4-i qaıta asfalttalyp, qalpyna keltirildi. Merdigerler endi basqa kemshilikterdi túzeýge kúsh salyp jatyr.
– Avtojoldyń Qyzylorda oblysy aýmaǵyndaǵy qurylysy sharyqtaý shegine jetti. Mamandar ár ýchaskeni jiti baqylap, kem-ketigin erte anyqtap, ony der kezinde qaıta qalpyna keltirýge yqpal etedi, - deıdi Maqsat Muqanov.
Qyzylorda-Jeqazǵan jolynyń Qyzylordadaǵy bóligin bıyl aıaqtaý josparlanǵan. Al Ulytaý bóligindegi jumys bastalyp ketti.
Jyl basynda QR Kólik mınıstrligi «Qyzylorda-Jezqazǵan» jolynyń qurylysyn aıaqtaý, jobany qarjylandyrý jumystaryna qatysty túsinik bergen edi.