Qyzylorda-Jezqazǵan avtomobıl joly qashan paıdalanýǵa beriledi
ASTANA. KAZINFORM – «QazAvtoJol» ulttyq kompanııasy Qyzylorda-Jezqazǵan avtomobıl jolynyń qashan tolyǵymen jóndeletindigin málim etti.
«Qyzylorda-Jezqazǵan avtomobıl joly ýchaskesin (uzyndyǵy 424 shaqyrym) jańǵyrtý jobasy Qyzylorda men Ulytaý oblystarynyń aýmaǵynda ornalasqan ýchaskeler boıynsha eki negizgi iske qosý keshenine bólingeni belgili. Qyzylorda oblysyndaǵy qurylys jumystary Eýrazııalyq qaıta qurý jáne damý bankiniń qarjylandyrýmen 2022 jyldyń ortasynda bastalǵan jolatyn. Abattandyrý jáne jol qozǵalysy qaýipsizdigin qamtamasyz etý boıynsha jumystardyń oryndalýyn eskere otyryp, qurylysty 2025 jyly aıaqtaý josparlanǵan», - delingen kompanııanyń agenttik saýalyna bergen jaýabynda.
Mekeme málimetinshe, Ulytaý oblysy aýmaǵyndaǵy jol ýchaskesin salý úshin qaziri ýaqytta Azııa damý bankiniń satyp alý erejesine sáıkes konkýrstyq protsedýra júrgizilip jatyr. Bul ýchaskede qurylys jumystary osy jyly bastalady jáne 20026-2027 jyldary aıaqtaý kózdelip otyr.
