Qyzylorda túrmesinde sálemdeme arasynan kir sabynǵa jasyrylǵan telefon tabyldy

QYZYLORDA. KAZINFORM - Qyzylorda oblysy boıynsha qylmystyq atqarý júıesi departamentine qarasty №37 túzeý mekemesindegi jazasyn óteýshige tanysy erekshe sálemdeme alyp kelgen.

Departamenttiń baspasóz qyzmeti habarlaǵandaı, kúdikti kir sabynnyń ishine telefon jasyryp ótkizbek bolǵan.

— Sálemdemeni tekserý nátıjesinde mekeme qyzmetkerleri kir sabynnyń ishine jasyrylǵan telefondy tapty. Telefon sottalǵandardyń paıdalanýyna tyıym salynǵan zattardyń qataryna jatady. Ony mekeme aýmaǵyna engizýge árekettengen kúdiktegi qatysty Ákimshilik quqyqbuzýshylyq kodeksiniń 481-babyna sáıkes qujattar sotqa daıyndalyp jatyr, — delingen habarlamada.

Buǵan deıin Іshki ister mınıstriniń orynbasary — Qylmystyq atqarý júıesi komıtetiniń tóraǵasy Abaı Qaıyrbekov Qostanaı oblysynda advokattardy tergeý ızolıatoryna ótkizer kezde shalbaryn sheshkizip tekseredi degen málimdemege túsinikteme bergen bolatyn.