Qyzylorda turǵynyn pyshaqtaǵan jasóspirim ustaldy
QYZYLORDA. KAZINFORM — Qyzylorda oblysynyń Shıeli aýdanynda pyshaq jaraqatyn alǵan turǵyn polıtsııa kómegine júgindi.
Bul jaǵdaıǵa baılanysty buzaqylyq baby boıynsha qylmystyq is qozǵaldy.
— Kúdikti retinde kámeletke tolmaǵan ustalyp, sot sanktsııasymen úıqamaq túrindegi bultartpaý sharasy qoldanyldy. Kámeletke tolmaǵannyń zańdy ókilderi balalardy tárbıeleý jónindegi mindetterin tıisinshe oryndamaǵany úshin jaýapkershilikke tartylady. Buǵan qosa, qosymsha sharalar qabyldaý jáne osyndaı minez-qulyqqa yqpal etetin sebepterdi joıý úshin ákimdik janyndaǵy kámeletke tolmaǵandar isteri jónindegi komıssııaǵa usynys berildi, — dedi oblystyq polıtsııa departamenti bastyǵynyń orynbasary Nursultan Áltaı.
Qylmystyq istiń tergelý barysyn departament basshylyǵy baqylaýǵa aldy.
Eske salaıyq, jýyrda Aqtóbede aýyldasyn pyshaqtap óltirdi dep aıyptalǵan stýdent sottaldy.
