Qyzylorda turǵyny tikeleı efırdegi ádepsiz sózi úshin jazalandy
QYZYLORDA. KAZINFORM – Qyzylordalyq tártip saqshylary TikTok-tyń tikeleı efırinde balaǵat sózder aıtyp, qoǵamdyq tártipti buzǵan azamatty anyqtady.
Tekserý barysynda quqyq buzýshy Qyzylorda oblysy Qazaly aýdanynyń 31 jastaǵy turǵyny Baqytjan Izatýlla bolyp shyqty.
- Ol áleýmettik jelilerde usaq buzaqylyq jasaǵany úshin ákimshilik jaýapkershilikke tartyldy. Sot sheshimimen quqyq buzýshyǵa 20 aılyq eseptik kórsetkish kóleminde aıyppul túrindegi jaza taǵaıyndaldy, - delingen oblystyq polıtsııa departamentiniń habarlamasynda.
Polıtsııa áleýmettik jeliler men tikeleı efırler qoǵamdyq tártipti buzǵany úshin jaýapkershilikten bosatpaıtynyn eske salady. Áleýmettik jelilerge monıtorıng júrgizý jumystary jalǵasyp jatyr.
Eske salaıyq, jýyrda Qaraǵandy oblysynda TikTok-ta beıádep sóz aıtqan áıel jaýapqa tartyldy.
