Qyzylorda turǵyny TikTok-taǵy áreketi úshin aıyppul arqalady
ASTANA. KAZINFORM — Áleýmettik jelilerge júrgizilgen monıtorıng barysynda TikTok jelisindegi tikeleı efır kezinde qoldanýshylardyń biri birneshe márte beıádep sóz aıtyp, qoǵamdyq tártip pen ádep normalaryn buzǵany anyqtaldy.
ІІM baspasóz qyzmetiniń málimetinshe, tekserý nátıjesinde quqyqbuzýshy Qyzylorda qalasynyń 39 jastaǵy turǵyny Juldyzaı Qudaıbergenova ekeni belgili boldy.
Sot sheshimimen ol ákimshilik jaýapkershilikke tartylyp, oǵan aıyppul salyndy.
— Polıtsııa ınternet keńistigindegi quqyq buzýshylyqtardy anyqtaý jumystary turaqty túrde júrgiziletinin eske salady. Zań talaptaryn buzǵany úshin qoldanystaǵy zańnamaǵa sáıkes jaýapkershilik kózdelgen, — delingen aqparatta.
Buǵan deıin Abaı oblysynda TikTok jelisindegi tikeleı efır kezinde bylapyt sóz aıtyp, alkogol ishken 53 jastaǵy Semeı turǵyny ákimshilik jaýapkershilikke tartyldy.
Sondaı-aq TikTok-ta balaǵat sóz aıtqan qyzylordalyq kóshe sypyryp júr.
