Qyzylorda turǵyny aýyldasynyń jınap qoıǵan shóbin órtep jibergen
Qyzylorda oblysynda aýyldasynyń myń býma jońyshqasyn órtep jibergen turǵyn ustaldy, dep habarlaıdy QazAqparat tilshisi.
Jalaǵash aýdandyq polıtsııa bólimine Temirbek Júrgenov aýylynyń turǵynynan aryz tústi. Onda mal qorada turǵan myń býma jońyshqa shóbin belgisiz bireýdiń órtep jibergeni týraly aıtylǵan.
«Aýyl turǵynyna keltirilgen shyǵyn kólemi – 1 mln teńge. Jedel izdestirý sharalarynyń nátıjesinde kúdikti retinde sol aýyldyń 29 jastaǵy turǵyny ustaldy. Atalǵan derek boıynsha QR Qylmystyq kodeksiniń 202-babynyń 2-bóligimen tergep-tekserý amaldary júrgizilip, tıisti saraptamalar taǵaıyndaldy. Oqıǵanyń mán-jaıy anyqtalyp jatyr», - dep málim etti Qyzylorda oblystyq polıtsııa departamentinen.
Eske salsaq, budan buryn Qyzylordada skýter tizgindegen jasóspirim jol apatyna ushyrady.
