Qyzylorda turǵyny adamdardyń jeke derekterin paıdalanyp, alaıaqtyq jasaǵan
ASTANA. KAZINFORM – Qyzylorda qalasynyń 32 jastaǵy turǵyny ınternet jelisin paıdalaný arqyly alaıaqtyq jasaǵan.
Ol bıyl 6 naýryzdaǵy sot úkimimen 3 jyl 1 aıǵa bas bostandyǵyn shekteý jazasyna sottaldy.
«A» esimdi azamat 2024 jyly aldyn ala sóz baılasqan adamdar toby arqyly «Instagram» áleýmettik jelisinde jalǵan paraqsha ashyp, bóten adamdardyń jeke derekterin paıdalanyp, azamattardy «Salǵan aqshalaryn eselep qaıtaramyn» dep aldap, «1XBETKZ» býkmekerlik keńsesi men «Wooppay Wallet» tólem júıesi arqyly jábirlenýshilerdiń qarajatyn ıemdengen.
Nátıjesinde respýblıka boıynsha 154 adam aldanyp, keltirilgen múliktik zalal 12 mln jýyq teńge bolǵan. Basty sot talqylaýynda sottalǵan kinásin tolyq moıyndap, jábirlenýshilerge keltirilgen múliktik zalaldy tolyǵymen óteýine baılanysty oǵan bas bostandyǵynan aıyrýmen baılanysty emes jaza taǵaıyndalǵan.
Oblystyq prokýratýra málimetinshe, búginde ol turǵylyqty jeri boıynsha probatsııalyq baqylaýda jazasyn ótep jatyr.
Úkim zańdy kúshine engen.
Bas prokýratýra alaıaqtardy anyqtaýǵa jasandy ıntellektini iske qosqanyn jazǵan edik.
