Qyzylorda turǵyndary aýrýhanadan shyǵatyn tútin ıisine shaǵymdandy
QYZYLORDA. KAZINFORM – Qyzylorda oblystyq kópbeıindi aýrýhanasyna jaqyn mańda turatyn qala turǵyndary aýrýhanadan tútinniń ıisi shyǵatynyn, sonyń kesirinen demalý múmkin emes ekenin aıtyp shaǵymdandy.
Kazinform tilshisi kótergen máselege oraı oblystyq Densaýlyq saqtaý basqarmasynyń basshysy Almas Ábilpatta jaýap berdi.
- Oblystyq kópbeıindi medıtsına ortalyǵyna qatysty buǵan deıin de problema boldy. Ortalyqta medıtsınalyq qaldyqty órteýge arnalǵan pesh bar. Sony iske qosqan kezde jaqyn mańdaǵy turǵyndar tútinniń ıisi keletinine shaǵymdanyp, aryz joldap júrdi. Aýrýhana medıtsınalyq qaldyqty áli kúnge deıin órteý ádisimen joıady. Basqa medıtsınalyq uıymdarda mundaı pesh qarastyrylmaǵan. Ár aýrýhana jyldyń sońyna qaraı kelesi jylǵa arnap medıtsınalyq qaldyqty joıý boıynsha mekemelermen kelisimshart jasaıdy. Merdiger belgilengen ýaqytta emdeý uıymynan shyqqan medıtsınalyq qaldyqty alyp ketip turady, - dedi ol.
Al buǵan deıin Oralda qatty turmystyq qaldyqtar polıgonynan shyqqan tútinnen tynys alý qıyndaǵany jóninde áleýmettik jelide aqparat jarııalandy.
