Qyzylorda turǵyndary 213 qarý ótkizdi
QYZYLORDA. KAZINFORM –Qyzylorda oblysynda turǵyndardan tárkilengen, erikti túrde tapsyrylǵan jáne tabylǵan atys qarýlary, oq-dáriler men sýyq qarýlardy zańsyz aınalymnan shyǵarýǵa arnalǵan aktsııa ótti.
Oblystyq polıtsııa departamentiniń málimetinshe, aktsııa barysynda joıylýǵa tıis 213 qarý qabyldandy. Onyń basym bóligi – tegis uńǵyly jáne gazdy-travmatıkalyq qarý.
- 213 qarý qaıta paıdalaný múmkin emes, ıaǵnı jaramsyz kúıge keltirildi. Belgilengen tártipke sáıkes barlyǵy Qazaqstan Respýblıkasy Іshki ister mınıstrliginiń «Ońtústik» áskerı jáne arnaıy jabdyqtaý bazasy» memlekettik mekemesine joıý úshin jiberiledi. Іs-shara zańsyz qarý aınalymynyń aldyn alýǵa, qoǵamdyq qaýipsizdikti qamtamasyz etýge jáne quqyq buzýshylyqtardyń aldyn alýǵa baǵyttalǵan, - delingen habarlamada.
Al jaqynda Almatyda qarý men oq jasyrylǵan oryn anyqtaldy.
