Qyzylorda polıtsııasy turǵyndardy velosıped urylarynan qorǵanýǵa shaqyrdy
QYZYLORDA. KAZINFORM — Qyzylorda oblystyq polıtsııa departamenti velosıped urylary úshin qolaıly maýsym bastalǵanyn málimdep, turǵyndardy jeke múlkine muqııat bolýǵa shaqyrdy.
Tártip saqshylary azamattardyń jeke múlkin qaraýsyz qaldyrýy urlyqqa jol ashatynyn aıtyp otyr.
— Velosıpedter men balalar arbalaryn qulyptamaı, kópqabatty turǵyn úılerdiń kireberisi, aýlasy nemese saýda oryndarynyń aldynda qaldyrady. Bul múliktiń joǵalýyna ákep soǵady. Kóp jaǵdaıda urlanǵan kólikterde sáıkestendirý belgileriniń bolmaýy polıtsııa jumysyna kedergi keltiredi. Osyǵan baılanysty turǵyndarǵa velosıpedterdi mindetti túrde arnaıy qulyppen bekitýdi, múlikti qaraýsyz qaldyrmaýdy, balalar arbalaryn turaqty baqylaýda ustaýdy, múmkindiginshe beınebaqylaý kameralary bar oryndarǵa qaldyrýdy jáne velosıpedterge sáıkestendirý belgisin engizýdi usynamyz, — delingen habarlamada.
Eske salaıyq, ótken jyly Qyzylorda oblysynda tirkelgen quqyqbuzýshylyq sany 2%-ǵa tómendedi. Qoǵamdyq oryndar men kóshede, mas kúıinde jasalǵan qylmys ta azaıǵan.
