Qyzylorda polıtsııasy sońǵy qońyraý kúni jumysty kúsheıtti

QYZYLORDA. KAZINFORM – Búgin Qyzylorda oblysynda 271 memlekettik mektepti 9 700-den astam oqýshy bitirdi. Olardyń qaýipsizdigin qamtamasyz etý maqsatynda tártip saqshylary jumysty kúsheıtti. 

Oblystyq polıtsııa departamentiniń habarlaýynsha, sońǵy qońyraý saltanatty sharasy barysynda qoǵamdyq tártip pen jol qaýipsizdigin saqtaýǵa 600-ge jýyq polıtsııa qyzmetkeri jumyldyryldy.

— Mektep bitirýshilerdiń qaýipsizdigin qamtamasyz etý úshin jastar kóp shoǵyrlanatyn oryndarda bilim berý uıymdarynyń dırektorlary men tárbıe isi jónindegi orynbasarlary departament jáne qalalyq polıtsııa basqarmasynyń qyzmetkerlerimen birlesip qyzmet atqaryp jatyr, — delingen habarlamada.

Tártip saqshylary túlekter ómirindegi mańyzdy kúnderi jastardy kortejge shyqpaýǵa, joldaǵy qozǵalys erejelerin qatań saqtaýǵa shaqyrdy.

Aıta keteıik, Qyzylorda oblysynda bıylǵy oqý jyly 23 mamyr kúni «Bilimim — Otanyma» atty biryńǵaı synyp saǵatymen qorytyndylandy.