Qyzylorda oblystyq saılaý komıssııasynyń jańa quramyna kimder endi

Qyzylorda oblystyq saılaý komıssııasynyń jańa quramy anyqtaldy, dep habarlaıdy Kazinform.

Oblystyq máslıhattyń kezekten tys ІH sessııasynda oblystyq saılaý komıssııasynyń jańa quramyn saılaý týraly másele qaraldy.

Osyǵan deıin oblystyq saılaý komıssııasynyń quramy Qyzylorda oblystyq máslıhatynyń 2019 jylǵy 11 qańtardaǵy № 290 sheshimimen 5 jyl merzimge bekitilgen edi.

Oblystyq máslıhat saıtynda saıası partııalar, ózge qoǵamdyq birlestikterge jáne joǵary turǵan saılaý komıssııasynyń nazaryna 10 qarasha men 8 jeltoqsan aralyǵynda oblystyq saılaý komıssııasynyń quramyna úmitker usyný týraly habarlandyrý jarııalandy.

Soǵan sáıkes oblystyq saılaý komıssııasynyń quramyndaǵy 7 orynǵa bes partııadan bir-birden 5 úmitker usynyldy.

Olardyń qatarynda «AMANAT», «Aýyl», «Aqjol», Qazaqstan halyq partııasy, Respublisa partııasynan úmitkerler boldy.

Al «Qyzylorda qalamgerleriniń qaýymdastyǵy», «Samuryq» ınnovatsııalyq ıdeıalardy damytý ortalyǵy» qoǵamdyq qory sekildi qoǵamdyq birlestikterden bir-birden úmitkerler usynyldy.

Sessııa otyrysynda kún tártibindegi másele jan-jaqty talqylandy.

Úmitkerlerdiń qujattary jan-jaqty zerttelgendigine nazar aýdaryldy.

Nátıjesinde oblystyq saılaý komıssııasynyń quramyna usynylǵan kandıdattarǵa qatysty ashyq daýys berildi.

Depýtattar bul usynysty qoldap, usynylǵan sheshim jobasyn biraýyzdan bekitti.

Eske salsaq, budan buryn Mańǵystaýda saılaý komıssııasynyń jańa quramyna 7 partııanyń ókilderi kirgen edi.