Qyzylorda oblystyq mýzeıi qundy qujatpen tolyqty
QYZYLORDA. KAZINFORM – Qyzylorda oblystyq tarıhı-ólketaný mýzeıiniń qyzmetkerleri QR Ortalyq memlekettik arhıvi qorynda bolyp, qor qujattarymen tanysty.
Ǵylymı zertteý nátıjesinde Qazaly jáne Perovsk ýezderiniń HІH ǵasyrdyń ІІ jartysyndaǵy tarıhyna qatysty 140 paraqtan astam qujat kóshirmesi alyndy.
- Sondaı-aq oblys ortalyǵynda ornalasqan Hrıstos Spasıtel shirkeýiniń syzbasy alǵash ret mýzeı qoryn tolyqtyrdy. Bul – memleket qorǵaýyndaǵy sáýlet óneri eskertkishi. Qujatta negizinen jańa shirkeýdiń salynýyna baılanysty 1890 jyldyń mamyr-qyrkúıek aılary aralyǵynda júrgizilgen jumys, oǵan qatysqan zańdy tulǵalar týraly aqparat qamtylǵan, - delingen habarlamada.
Shirkeý salý qajettiligi patshalyq Reseı áskeriniń kelýine baılanysty hrıstıan dinin ýaǵyzdaýshylar kóbeıgesin paıda bolǵan. Osylaısha 1855 jyly pop L.Gorohovskııdiń jetekshiligimen Perovskide jyljymaly shirkeý ashyldy. Keıin jańa ǵımarat salynyp, ol óz tarıhynda ártúrli maqsatta qoldanyldy. 1989 jyldyń mamyr aıynan bastap eski ǵımarat qaıtadan pravoslav shirkeýine aınaldy.
Mýzeı qyzmetkerleri arhıv qujattaryn jan-jaqty taldap, zerttep bolǵannan keıin nátıjesin bólisetinin málimdedi.
