Qyzylorda oblystyq memlekettik múlik jáne jekeshelendirý departamentiniń basshysy aýysty
QYZYLORDA. KAZINFORM – Merokratııa qaǵıdaty boıynsha Qyzylorda oblystyq memlekettik múlik jáne jekeshelendirý departamentiniń basshylyǵyna Rınat Qudaıbergenov taǵaıyndaldy. Bul týraly oblys ákimdiginiń baspasóz qyzmeti habarlady.
Rınat Májıtuly Qorqyt ata atyndaǵy Qyzylorda memlekettik ýnıversıtetin bitirgen.
Qyzylorda oblysynyń ekonomıka jáne bıýdjettik josparlaý departamentiniń jetekshi mamany, bas mamany, qarjy basqarmasy basshysynyń orynbasary, Qyzylorda oblysynyń ekonomıka jáne bıýdjettik josparlaý basqarmasy basshysynyń orynbasary laýazymdaryn atqarǵan.
Qazirge deıin Baıqońyr qalalyq memlekettik múlik jáne jekeshelendirý departamentiniń basshysy qyzmetinde bolǵan.
Buǵan deıin QR Tótenshe jaǵdaılar mınıstriniń 2025 jylǵy 24 qazandaǵy №661 j/q buıryǵymen polkovnık Madııar Myrzageldıev Qyzylorda oblystyq Tótenshe jaǵdaılar departamentiniń basshysy bolyp taǵaıyndalǵanyn jazǵan edik.