Qyzylorda oblystyq qoǵamdyq damý basqarmasynyń basshysy taǵaıyndaldy

QYZYLORDA. KAZINFORM – Prezıdent Ákimshiligi Іshki saıasat bóliminiń kelisimi jáne oblys ákiminiń ókimine sáıkes Qyzylorda oblystyq qoǵamdyq damý basqarmasynyń basshysy qyzmetine Kaıýpov Rýslan Muhamedáliuly taǵaıyndaldy. 

Rýslan Muhamedáliuly 1984 jyly Qyzylorda oblysy Shıeli aýdanynda dúnıege kelgen.

Joǵary bilimdi, «Ekonomıka» mamandyǵy boıynsha bilim alǵan. Qorqyt Ata atyndaǵy Qyzylorda memlekettik ýnıversıtetiniń «Memlekettik jáne jergilikti basqarý» mamandyǵy boıynsha «Ekonomıka jáne bıznes» magıstri. Qazaqstan Respýblıkasy Prezıdenti janyndaǵy Memlekettik basqarý akademııasynyń túlegi, «Memlekettik saıasat» bilim berý baǵdarlamasy boıynsha «Bıznes jáne basqarý» magıstri.

Eńbek jolyn 2010 jyly «Samuryq» qoǵamdyq qorynyń úılestirýshisi bolyp bastaǵan. 2011-2014 jyldary Shıeli aýdandyq jáne Qyzylorda qalalyq ishki saıasat bólimderiniń mamany, Qyzylorda oblysynyń jastar saıasaty máseleleri basqarmasynyń bas mamany, Qyzylorda oblysy ákimi apparatynyń «Qoǵamdyq kelisim» ortalyǵynyń bas sarapshysy qyzmetterin atqarǵan. 

2014-2018 jyldary Qyzylorda qalasy ákimi apparatynyń bas ınspektory, qala ákiminiń baspasóz hatshysy, 2018-2020 jyldary Qyzylorda qalalyq ishki saıasat bóliminiń basshysy qyzmetterin abyroımen atqardy. 2020 jyldan osy kezge deıin oblystyq qoǵamdyq damý basqarmasy basshysynyń orynbasary boldy.