Qyzylorda oblystyq kásipkerler palatasynyń dırektory taǵaıyndaldy
QYZYLORDA. KAZINFORM — Qyzylorda oblysynyń ákimi Nurlybek Nálibaev óńir aktıvine oblystyq kásipkerler palatasynyń jańa dırektory bolyp taǵaıyndalǵan Dilmuhamed Abyzovty tanystyrdy.
Dilmuhamed Abyzov 1978 jyly Qyzylorda qalasynda dúnıege kelgen. Qorqyt ata atyndaǵy Qyzylorda memlekettik ýnıversıtetinde munaı jáne gaz kenishterin ıgerý men paıdalaný, «Aqmeshit» gýmanıtarlyq-tehnıkalyq ınstıtýtynda ekonomıka mamandyqtary boıynsha bilim alǵan. Omby gýmanıtarlyq akademııasynda ekonomıka mamandyǵy boıynsha magıstr akademııalyq dárejesin ıelengen.
Eńbek jolyn «Syrdarııa munaı» AQ burǵylaýshysy bolyp bastaǵan. Ár jyldary jeke sektorda basshylyq qyzmetter atqarǵan. «Baıqońyr» ÁKK» AQ dırektorlar keńesiniń múshesi, «Atameken» kásipkerler palatasy óńirlik keńesiniń, «KazTekstıl» ózin-ózi basqarý uıymy dırektorlar keńesiniń, «Qyzylorda óńirlik ınvestıtsııalyq ortalyǵy» baqylaý keńesiniń tóraǵasy bolǵan.
2025 jyldyń qyrkúıek aıynan osy ýaqytqa deıin Qyzylorda qalasy ákiminiń orynbasary qyzmetin abyroımen atqaryp keldi.
— Óńirimizge ınvestorlar tartý jáne olardyń jobalaryn «bir tereze» qaǵıdaty boıynsha súıemeldeýdi uıymdastyrý kerek. Jergilikti bıznes sýbektilerin «Qazaqstandyq taýar óndirýshilerdiń tizimi» júıesine tirkeý, ótinim berýin uıymdastyrý jumystaryn jandandyrýdy tapsyramyn, — dedi oblys ákimi.
Buǵan deıin Ádilet mınıstrligi apparat basshysynyń buıryǵyna sáıkes Baýken Álmesh Qyzylorda oblystyq ádilet departamentiniń basshysy laýazymyna taǵaıyndalǵan edi.
